Mae Fforwm Arloesi ARCH yn gydweithrediad rhanbarthol rhwng Bwrdd Iechyd Prifysgol Hywel Dda, Bwrdd Iechyd Prifysgol Bae Abertawe, a Phrifysgol Abertawe. Mae'n cysylltu arloeswyr ag arbenigwyr meddygol, academaidd a'r diwydiant, gyda'r nod o gyflymu arloesedd yn y sector iechyd a gofal yn Ne-orllewin Cymru.
Mae'r fforwm yn gwahodd ceisiadau gan academyddion, gweithwyr y GIG, sefydliadau trydydd sector, a diwydiant sy'n canolbwyntio ar:
- Arloesi gwasanaethau
- Arloesi cymdeithasol
- Drosglwyddo gwybodaeth
- Iechyd digidol
- Dechnoleg iechyd
Anogir ceisiadau sy'n mynd i'r afael â themâu penodol, gan gynnwys Iechyd a Llesiant y Cyhoedd, Iechyd Llygaid, Diagnosteg, a meysydd eraill sy'n berthnasol i wella iechyd gofal.
Bydd ymgeiswyr llwyddiannus yn cael eu dewis i gyflwyno eu syniadau i banel o arbenigwyr gyda sesiwn 20 munud (cyflwyniad 10 munud a thrafodaeth 10 munud) a sesiwn holi ac ateb. Mae'r fforwm yn amgylchedd adeiladol i feithrin meddwl arloesol ac ymestyn ffiniau. Mae'r holl adborth yn adeiladol ac yn cael ei ddarparu yng ngwir ysbryd partneriaeth ranbarthol, gyda'r nod o helpu arloeswyr i lunio a mireinio eu syniadau er mwyn cael effaith yn y byd go iawn.
Drwy gysylltu gweithwyr gofal iechyd proffesiynol, academyddion, arweinwyr diwydiant, a sefydliadau cymunedol, mae Fforwm Arloesi ARCH yn anelu at chwalu rhwystrau i arloesi. Fel Aelod o'n Rhwydwaith, maent yn darparu menter allweddol wrth drawsnewid gwasanaethau iechyd a gofal ledled De-orllewin Cymru ac yn cyd-fynd yn agos â nodau'r Rhwydwaith Cenedlaethol ar gyfer Arloesedd Chwaraeon ac Iechyd: hyrwyddo cydweithio traws-sector, arloesi cynaliadwy, a chanlyniadau iechyd gwell.