Mae'r prosiect Really Wild Emporium yn archwilio canfyddiadau, dewisiadau a chyfaddawdau defnyddwyr sy'n gysylltiedig â chynhyrchion â chynhwysion sydd wedi'u casglu neu gynhwysion gwyllt. Nod yr ymchwil oedd datgelu'r rhwystrau seicolegol a chymdeithasol sy'n dylanwadu ar dderbyniad defnyddwyr o'r cynhyrchion hyn, yn ogystal â chyfleoedd i hyrwyddo dewisiadau cynaliadwy sy'n cefnogi iechyd trwy gynhwysion wedi'u casglu. 

Roedd y cyfnod cyntaf yn cynnwys grwpiau ffocws gweledol gyda 26 cyfranogwr (16 myfyriwr a 10 aelod o'r cyhoedd) o Abertawe. Y pwrpas oedd archwilio cysylltiadau blaenorol defnyddwyr â chwilota bwyd, eu parodrwydd i ddefnyddio bwyd neu gynhyrchion hylendid personol sy'n cynnwys cynhwysion a chwiliwyd am fwyd, a'r rhwystrau a'r heriau canfyddedig i fabwysiadu. 

Roedd y canfyddiadau yn dangos dealltwriaeth gyfyngedig o chwilota am fwyd, gyda rhai cyfranogwyr yn cysylltu'r arfer â stigma neu gywilydd. Weithiau, roedd chwilota am fwyd yn cael ei ystyried yn weithgaredd sy'n gysylltiedig ag angenrheidrwydd neu dlodi yn hytrach na chynaliadwyedd neu lesiant. Tynnodd cyfranogwyr sylw hefyd at ansicrwydd ynghylch diogelwch, ffynhonnell a manteision cynhwysion gwyllt. 

Rhwystr allweddol arall oedd diffyg llefydd gwydd ar gael. Roedd cyfranogwyr yn crybwyll y llefydd oeddent arfer casglu cynhwysion yn eu plentyndod, a'u bod wedi'u disodli gydag adeiladau preswyl neu fasnachol. 

Fe wnaeth mewnwelediadau o Astudiaeth 1 wedi hysbysu dyluniad arolwg DU-eang gyda 281 o gyfranogwyr. Archwiliodd yr arolwg gyfaddawdau defnyddwyr wrth ddewis cynhyrchion go iawn sy'n cynnwys cynhwysion wedi'u casglu o Really Wild Emporium, gan gynnwys eli lleithio a sawl pryd o gig, pysgod a llysiau. 

Gwerthusodd y cyfranogwyr gyfaddawdau rhwng prif briodoleddau cynnyrch fel pris, budd iechyd, ffynhonnell y cynhwysion, a negeseuon y cynnyrch. Ar draws categorïau'r cynnyrch, dangosodd bod defnyddwyr yn dewis eitemau a ddisgrifiwyd fel rhai “naturiol”, “lleol”, neu “o ffynonellau cynaliadwy” yn fwy na’r rhai a labelwyd eu bod “wedi’u casglu”, yn “wyllt”, neu “wedi’u casglu â llaw”. 

Cynhyrchodd y prosiect wybodaeth newydd am ganfyddiadau defnyddwyr o gynhwysion wedi'u casglu a chynhwysion gwyllt – maes heb ei archwilio'n ddigonol mewn ymchwil maeth, cynaliadwyedd ac ymddygiad defnyddwyr. Mae'r canfyddiadau'n dangos bwlch gwybodaeth sylweddol ynghylch argaeledd, diogelwch a manteision maethol cynhwysion gwyllt. Mae mynd i'r afael â'r bwlch hwn yn cynnig cyfleoedd ar gyfer ymyriadau addysg ac ymgysylltu, yn enwedig gan ddefnyddio cyfathrebu gweledol i ail-lunio chwilota am fwyd fel arfer cadarnhaol a chynaliadwy. 

Mae'r ymchwil hefyd wedi gosod sylfaen i gydweithredu gyda Really Wild Emporium yn y dyfodol, gan gynnwys datblygiad posib o ymgyrchoedd iechyd cyhoeddus neu ddeunydd addysg sy'n hyrwyddo cynhwysion wedi'u casglu fel rhan o ddiet cynaliadwy neu iachus. O ystyried yr heriau parhaus sy'n gysylltiedig â newid hinsawdd ac ansicrwydd bwyd, gallai hyrwyddo cynhwysion gwyllt a chynhwysion a gasglwyd mewn ffordd gyfrifol chwarae rhan hanfodol wrth gefnogi cynaliadwyedd amgylcheddol a gwydnwch iechyd y cyhoedd. 

Mae'r gwaith hwn yn cyd-fynd yn agos â chenhadaeth NISH i hyrwyddo dealltwriaeth y cyhoedd o'r cysylltiadau rhwng maeth, lles ac arferion iechyd cynaliadwy. Drwy lywio mentrau addysg ac allgymorth yn y dyfodol, mae'r prosiect yn cyfrannu'n uniongyrchol at nod NISH o feithrin strategaethau sy'n seiliedig ar dystiolaeth sy'n gwella iechyd y boblogaeth a chyfrifoldeb amgylcheddol.